"Арсенал" Бундеслигадан ҳужумчи олиб келмоқчи

"РБ Лейпциг"нинг марказий ҳужумчиси Биньямин Шешко Лондоннинг "Арсенал" клубига ўтиши мумкин. Бу ҳақда журналист Флориан Плеттенберг хабар бермоқда.

Манбага кўра, "Арсенал" ва "РБ Лейпциг" 21 ёшли словениялик футболчи бўйича музокараларни бошлаган. Шу билан бирга, "канонирлар" Шешконинг шартномасида товон пули сифатида кўрсатилган 80 миллион евродан ортиқ маблағни сарфлай олиш-олмаслиги ҳозирча номаълум.

Таъкидланишича, "Арсенал" ҳамон "Спортинг"даги Виктор Дьёкерешни кузатмоқда, аммо инглизларнинг асосий эътибори ҳозирда Шешкога қаратилган. Жорий мавсумда Шешко барча мусобақаларда 45 та ўйинда майдонга тушиб, 21 та гол урди ва олтита голли узатмани амалга оширди.

Абдималик Эронқулов