"Арсенал" "Челси"дан иккита трансферни илиб кетмоқчи

"Арсенал" "Брайтон" футболчиси Мойсес Кайседо ва "Эвертон" ярим ҳимоячиси Амаду Онанани ўз таркибига қўшиб олмоқчи. Бу ҳақда "Standart Evening" нашри хабар бермоқда. Манбанинг таъкидлашича, Мерсисайд жамоаси 21 ёшли бельгиялик учун 50 миллион фунт стерлинг талаб қилмоқда. 

Ушбу икки ўйинчига "Челси" ҳам қизиқиш билдирмоқда. Кайседо учун унинг клуби 100 миллион фунт стерлинг сўрамоқда. "Аристократлар" эса 65 миллион фунт стерлинг тўлашга тайёр.

Маълумот учун, аввалроқ "Арсенал" амалга оширишга яқин келган Мудрик трансферини "Челси" илиб кетганди.