“Арсенал” чемпионликни ушлаб қолиши учун Артетага янги ўйинчилар керак

Англиянинг амалдаги чемпиони “Арсенал” бош мураббийи Микель Артета яқин вақт ичида клуб сифатли янги футболчиларни ўз сафига қўшишига умид билдирди.

Бу ёзда “Арсенал” ҳозирча жиддий кучайишга эришгани йўқ. Жамоа фақат эркин агент Иллан Мельени захира дарвозабони сифатида жалб қилди ҳамда клубни тарк этган Леандро Троссар ўрнига Христос Цолисни харид қилди.

Шунга қарамай, Артета Премьер-лига чемпионлигидан кейин таркибни янада кучайтириш бўйича клуб раҳбарияти билан бир фикрда эканини таъкидлади.

- Жуда кўп ишлар амалга оширилмоқда. Бу трансферлар ойнасининг ўзига хос жиҳатларини ҳаммамиз яхши тушунамиз. Клуб эгаларидан тортиб, директорлар кенгаши, спорт директори ва менгача – ҳаммамиз клубни янада юқори босқичга олиб чиқиш учун нималар кераклигини яхши биламиз. Бунинг учун таркиб янада кучлироқ ва сифатлироқ бўлиши лозим.

Биз қайси йўналишларда ўсиш, ривожланиш ва ўйинимизни яхшилаш мумкинлигини аниқлаб олдик. Энди шу мақсадларга эришишимиз керак.

Умид қиламанки, яқин орада буни аниқ амалий қадамлар билан тасдиқлаймиз, -  деди Микель Артета.