"Ан-Наср" Ўзбекистондаги ўйин олдидан Роналду бўйича якуний қарорга келди
Олдинда "Пахтакор" билан ўйин бор
Саудия Арабистонининг амалдаги чемпиони "Ан-Наср" клуби раҳбарияти жамоа сардори ва энг машҳур юлдузи Криштиану Роналдуни Осиё Элит Чемпионлар лигаси тўртинчи турида Ўзбекистоннинг "Пахтакор" жамоасига қарши сафар ўйини учун таркибга киритмади, деб хабар бермоқда Arriyadiyah нашри.
Манба маълумотига кўра, жамоа бош мураббийи Анге Постекоглу Ўзбекистонга йўл оладиган рўйхатга яна икки номдор ўйинчи - ҳимоячи Муҳаммад Симакан ва ҳужумкор футболчи Кингсли Команни ҳам қўшмаган.
Осиё мусобақасининг тўртинчи тур учрашуви 2 ноябрь куни Тошкентда бўлиб ўтади.
"Ан-Наср" делегацияси 31 октябрь куни хусусий самолётда Ўзбекистонга учиб келишни ва икки давомида бўлажак баҳсга тайёргарлик кўришни режалаштирган.
Учрашувдан сўнг Саудия Арабистони чемпиони ортга қайтиб, миллий чемпионат доирасида 6 ноябрга белгиланган "Ал-Хазем"га қарши ўйинга тайёргарликни давом эттиради.
Саудия Арабистони чемпионатининг сўнгги турида "Ан-Наср" футболчилари "Ал-Холуд" жамоаси устидан 5:3 ҳисобида ғалаба қозонди. Ушбу ўйинда Криштиану Роналду хет-трик қайд этди, яна биттадан голни Анжело Габриэл ва Садио Мане урди.
Эслатиб ўтамиз, Криштиану Роналдунинг Тошкентга келиш эҳтимоли ўзбекистонлик мухлисларни қаттиқ қизиқтириб қўйган эди.
Бунинг ортидан "Пахтакор" ва "Ан-Наср" ўртасидаги учрашув чипталари нархи кескин кўтарилиб кетгани ҳақида хабарлар тарқатилди. Хусусан, расмий савдо майдончасида стандарт ўринлар учун чипта нархлари 100 минг сўмдан 600 минг сўмгача оралиқда белгиланган.
Энг катта рекорд эса 3 миллион сўм қийматдаги VIP-чипталар бўлди — улар сотув бошланган илк соатлардаёқ сотиб олиб бўлинган. Энди эса, жаҳон футболида энг кўп гол урган Роналдунинг ўйинини бевосита майдондан томоша қилиш учун қимматга чипта олган футбол ишқибозлари армонда қоладиган бўлди.\
Ўзбекистон терма жамоасининг энг кучли томонини аниқлашди!
Хатоси қимматга тушишига бир баҳя қолган Ҳусановга неччи балл берилди?
Шомуродовни алмаштириш "Башакшеҳир"га қимматга тушди
Изоҳлар (0)