"Арсенал" етакчи футболчисини ижарага бермоқчи

The Sun хабарига кўра "Арсенал" ярим ҳимоячиси Месут Ўзил қишда клубни тарк этиши мумкин. Лондонликлар рахбарияти германиялик футболчи учун ижара вариантини қидириш ниятидалар.

Агар ижара шартлари "канонирлар"га маъқул келиб қолса, улар футболчининг маошининг бир қисмини тўлаб беришга хам таёр. Айни дамда хавбек хафтасига 350 минг фунт маош олади.

Жорий мавсумда Ўзил "Арсенал" таркибида иккита ўйиндагина майдонга тушган. 30 ёшли футболчининг клуб билан шартномаси 2021 йил ёзигача амал қилади.