"Arsenal" etakchilaridan biri Saudiya Arabistoniga yo‘l olishi mumkin

Londonning “Arsenal” klubiga vingerb Leandro Trossard faoliyatini Saudiya Arabistoni chempionatida davom ettirishi mumkin. Bu haqda Todofichajes portali xabar bermoqda.

Manbaga ko‘ra, 29 yoshli belgiyalik futbolchining xizmatlariga "Al-Ittihod" klubi qiziqish bildirmoqda. Saudiya klubi rahbariyati futbolchi uchun 15 million evro taklif qilishga tayyor. Transfermarkt portali esa Trossardning narxini 35 millionga baholamoqda.

Leandroning "kanonirlar" bilan amaldagi mehnat shartnomasi 2026 yilning iyun oyi oxirigacha imzolangan. U joriy mavsum Angliya Premer-ligasida jami 10 ta o‘yinda maydonga tushdi. Trossard ushbu uchrashuvlarda 2 ta gol urishga muvaffaq bo‘ldi.

"Al-Ittihod" ayni damda Saudiya chempionatida 2-o‘rinda bormoqda. "Arsenal" esa yakunlangan 10 turdan so‘ng 18 ochko to‘plab, musobaqa jadvalida 5-o‘rinni egallab turibdi.