"Арсенал" етакчиси МЮга қарши баҳсни ўтказиб юборади

Лондоннинг "Арсенал" клуби ярим ҳимоячиси Месут Ўзил АПЛнинг 15-турида "Манчестер Юнайтед"га қарши муҳим учрашувни ўтказиб юбориши мумкин. Бу ҳақда ESPN нашри хабар тарқатмоқда.

Юқоридаги манбаага кўра 30 ёшли германиялик футболчи  ҳали ҳам белидаги жароҳатидан тўлиқ фориғ бўлмаган. Катта эҳтимол билан у яқин орада жамоасига ёрдам беролмайди.

Эслатиб ўтамиз, "Манчестер Юнайтед" - "Арсенал" баҳси 5 декабрь куни Тошкент вақти билан соат 01:00да бошланади.

Маълумот учун, Ўзил жорий мавсум “канонирлар” сафида жами 12та ўйинда майдонга тушиб ўз ҳисобига 4та гол ҳамда 1та голли узатма ёздириб қўйишга эришган.

Фикрлар

Фикр қолдириш учун авторизациядан ўтинг!