“Арсенал” Франция чемпионатидан “янги Месси”ни сотиб олмоқчи

"Лилль" ярим ҳимоячиси Эдон Жегрова "Арсенал"нинг қизиқишлари доирасига тушди.

23 ёшли хавбек ўтган йили 6 миллион евро эвазига Швейцариянинг “Базел” клубидан “Лилль”га кўчиб ўтган эди. У атиги бир мавсумдан кейин футболчи нафақат Франция чемпионатида, балки Европанинг бошқа топ лигалари вакилларида ҳам илиқ таассурот қолдира олди.

Ҳозирда ўз таркибини янада кучайтираётган “канонирлар” Эдонни ўз сафига қўшиб олиш учун музокара бошламоқчи. Футболчига клуб бош мураббий Микель Артетанинг шахсан ўзи қизиқиш билдирган.

Жегрова ўтган мавсум Лига 1 доирасидаги 13 та ўйинда майдонга тушиб, ўз ҳисобига 2 та гол ва 1 та голли узатмани ёздириб қўйган. “Transfermarkt” нашри хабарига кўра, унинг нархи 5 миллион еврони ташкил қилади.

Маълумот ўрнида, футболчи чап оёғи билан яхши ўйнай олиш қобилияти сабабли Лионель Месси билан таққосланади.