"Арсенал" футболчиси Туркия чемпионатига йўл олмоқда

“Арсенал”нинг грециялик ҳимоячиси Сократис Папастатопулос фаолиятини Туркия Суперлигасида давом эттиришга яқин турибди.

Takvim нашри тарқатган хабарга қараганда 32 ёшли грециялик футболчи “Фенербахче” билан шартнома имзолаш арафасида турибди. Бундан аввалроқ “канонирлар” Сократис билан шартномани бекор қилишмоқчи экани ҳақида хабарлар тарқалган эди.

Папастатопулос “Арсенал” сафига 2018 йил 16 млн евро эвазига “Боруссия” Дортмунддан кўчиб ўтган эди. У жорий мавсум “канонирлар” таркибида бор йўғи 2 та ўйинда иштирок этди холос.