"Арсенал" футболчисини бошқа жамоага ижарага бермоқчи

"Лацио" ҳамда "Валенсия" клублари "Атлетико"да ижара асосида тўп сураётган "Арсенал" ярим ҳимоячиси Лукас Торрейра учун кураш бошлади.

AS нашрининг ёзишича, "Арсенал" уругвайлик футболчининг “матрасчилар” сафида етарли ўйин амалиётига эга бўла олмаётгани сабаб, уни бошқа клубга ижарага бермоқчи. Унга эса "Севилья", "Торино" ва "Фиорентина" ҳам харидор.

24 ёшли Торрейра жорий мавсум “Атлетико” сафида 13 та ўйинда майдонга тушди ва 1 та гол ҳамда 1 та голли узатмага муаллифлик қилди. Унинг “Арсенал” билан амалдаги шартномаси 2023 йилга қадар имзоланган.