"Arsenal" himoyachisiga Turkiyadan taklif bor

"Arsenal" himoyachisi Rob Xolding mazkur yozda jamoani tark etadigan futbolchilar ro‘yxatiga tushgan. uning keyingi manzili Turkiya bo‘lishi mumkin. 

27 yoshli inglizga "Beshiktosh" jiddiy qiziqish bildirmoqda, deya xabar berdi "The Athletic" nashri. Turkiya klubi bu transferga 2,5 million evro sarflamoqchi. Hali futbolchi va klub bu taklifga javob qaytarmadi.

Ma’lumot uchun, Xoldingning "kanonirlar" bilan amaldagi shartnomasi 2024 yilning yozida o‘z nihoyasiga etadi. U zaxira o‘yinchisi hisoblanadi. Shu sababli, himoyachi faoliyatini boshqa jamoada davom ettirishga qarshi emas.