“Арсенал” икки ҳужумчисидан воз кечмоқчи

Лондоннинг “Арсенал” клуби ёзда Леандро Троссард ва Габриель Мартиэнеллини сотиши мумкин. 
 
Микель Артета кейинги мавсум яхшироқ натижага эришиб, кубоклар ютиш учун ёзги трансферлар ойнасида ҳужумчи сотиб олмоқчи. Ҳозирда Дьёкереш ва Александр Исак энг яхши вариант сифатида кўрилмоқда. Клуб мутасаддилар ушбу футболчилардан бирини жамоага жалб қилиш учун бир неча ҳужумчилардан воз кечмоқчи. 
 
“The Mirror” нашрининг маълумотига кўра, “тўпчилар” жамоада жой бўшатиш учун Троссард ва Мартинеллини сотиши мумкин. Манбага кўра, икки вингер учун Саудиянинг топ клублари жуда катта қизиқиш билдирмоқда. Агарда яхши таклифлар келиб тушса, “канонирлар” футболчиларни қўйиб юборишга тайёр. 
 
Эслатиб ўтамиз, бразилиялик ҳужумчининг клуб билан шартномаси 2027 йилгача мўлжалланган бўлса, белгиялик ўйинчининг шартномаси 2026 йилгача амал қилади.