"Арсенал" ишлари юришмаётган Винисиусга яна қизиқаётганини тасдиқлади

Лондоннинг «Арсенал» жамоаси бош мураббийи Микель Артета штабида фаолият юритаётган ассистент мураббий Мигель Молина «Реал» ҳужумчиси Винисиус Жуниорга бўлган қизиқишни тасдиқлади.

Унинг сўзларига кўра, «канонирлар» бразилиялик вингерни ўтган ёздаёқ жамоага қўшиб олишни режалаштирган. Бироқ Винисиус охир-оқибат Мадридда қолишни маъқул кўрди ва «Реал» билан шартномасини узайтиришга қарор қилди.

«Винисиусга ҳақиқатан ҳам қизиққанмизми? Ҳа, албатта. Ҳақиқатни инкор этиш керак эмас, унинг номи аллақачон номзодлар рўйхатида эди», – дея Молинанинг сўзларини келтиради Madrid Universal нашри.

Винисиус Жуниорнинг «Реал» билан янги шартномаси 2032 йилгача мўлжалланган. Бразилиялик футболчи 2018 йилдан буён «Қироллик клуби» шарафини ҳимоя қилиб келмоқда.