"Арсенал" мухлислари учун нохуш хабар

Лондоннинг "Арсенал" клуби ярим ҳимоячи Месут Ўзил ҳамда ҳимоячи Сеад Колашинацларнинг аҳволи борасида хабар тарқатди.

26 ёшли босниялик футболчи Англия Премьер-лигаси 17-тури доирасида "Манчестер Сити"га қарши (0:3) баҳсда жароҳат олиб майдонни тарк этган эди. Клуб расмий сайтида ёзилишича у январда машғулотларга қўшилади.

Худди ўша беллашувда жароҳат олган Ўзил эса ўнг оёғида оғриқ сезмоқда. Германиялик футболчининг "Эвертон"га қарши баҳсда майдонга тушиш ёки тушмаслигига ўйин куни аниқлик киритилади.