“Арсенал” ўзига янги лидер топди

“Арсенал” 40 миллион евро эвазига ПСЖга ўтиши кутилаётган Маттео Гендузи ўрнига янги футболчи топиб қўйди.

Микель Артета клуб раҳбариятидан “Марсель”да барқарор ўйин намойиш этаётган Морган Сансонни олиб келишни сўрамоқда. Бош мураббий 25 ёшли футболчи майдондан марказида ярим ҳимоячилар етакчисига айланишига ишонмоқда.

Морган Сансон Франция чемпионатида етти мавсумдан бери тўп сурмоқда. У жами 208 та учрашувда майдонга тушиб, 33 та гол урган ва 32 та ассистни амалга оширган. “Марсель” яна икки йил шартномага эга бу футболчини 22,5 миллион еврога қўйиб юборишга тайёр.