"Arsenal" qishda "Atletiko" futbolchisini tarkibga qo‘shib olmoqchi

"Atletiko" Madrid klubi vingeri Toma Lemar "Arsenal"ning asosiy transfer nishoniga aylandi. Bu haqda AS nashri xabar tarqatmoqda.

Yuqoridagi manbaaga ko‘ra “kanonirlar” 24 yoshli frantsiyalik futbolchini joriy qishki transferlar davridayoq tarkibga qo‘shib olishmoqchi. Aytish kerakki, Lemarning o‘zi ham muntazam o‘yin amaliyotiga ega bo‘lish uchun boshqa jamoaga o‘tishga tayyor.

Ma’lumot uchun, “Atletiko” Lemarni 2018 yil 70 mln evro evaziga “Monako”dan sotib olgan edi. U o‘tgan davr mobaynida “matraschilar” safida 64 ta o‘yinda maydonga tushishdi va 3 ta gol hamda 6 ta golli uzatma yozdirib qo‘yishga erishdi.