“Арсенал” Қудусни қандай қилиб қўлга киритмоқчи?

Гана терма жамоасининг асосий юлдузларидан бири Муҳаммад Қудусга Европанинг бир қанча топ клублари қизиқиш билдирмоқда. Улар қаторида “Арсенал” ҳам бор. Шунингдек, “Ливерпуль” ҳам “Аякс” вингерини сотиб олишни мақсад қилиб қўйган.

“Football London” нашри бераётган маълумотларга кўра, “канорирлар” ушбу трансферни клуб ярим ҳимоячиси Томас Парти орқали амалга оширмоқчи. 29 ёшли футболчи Қудус билан биргаликда Гана термасида фаолият олиб бормоқда.

Клуб спорт директори Эду бу усулни олдин ҳам қўллаган. Аниқроғи, жамоа дарвозабони Рэймсдейлни Букайо Сака орқали ўз таркибига қўшиб олганди. Бу иккала футболчи Англиянинг ёшлар жамоасида тўп тепишган.

Эслатиб ўтамиз, Қудус Қатарда давом этаётган мундиалда иккита гол уришга муваффақ бўлди.