"Арсенал" "Реал" футболчисини сотиб олмоқчи

Лондоннинг “Арсенал” клуби ўтган мавсум “Реал”дан ижарага олган ярим ҳимоячи Мартин Эдегорни ортга қайтармоқда. Бу ҳақда журналист-инсайдер Фабрицио Романо ўзининг твиттердаги саҳифаси орқали маълум қилди.

Юқоридаги манбага кўра, “канонирлар” норвегиялик футболчининг трансферини тўлиқ сотиб олмоқчи. Аввалроқ “қироллик клуби” Эдегорни 30 миллион еврога сотишни режалаштираётгани ҳақида хабарлар тарқалган эди. Ҳозирда томонлар музокараларни давом эттирмоқда.

“Арсенал” Эдегорга 2026 йилга қадар тузилган шартнома таклиф қилмоқчи.

Мартин ўтган мавсум АПЛда 14 та ўйинда майдонга тушди ва 1 та гол ҳамда 2 та голли узатмага муаллифлик қилди.