"Арсенал" собиқ футболчиси: У "Олтин тўп"ни қўлга киритади деб ўйлайман

"Арсенал"нинг собиқ футболчиси Муҳаммад Эльнени Салоҳнинг "Олтин тўп"ни қўлга киритиш имкониятлари ҳақида гапириб ўтди. 

"Салоҳ ажойиб мавсум ўтказди. У ўтган мавсумда жамоасига қўшган ҳиссасидан ташқари тартиб-интизом ва профессионаллик борасида мисрлик ҳамда араб футболчиларига ўрнак бўлмоқда. Европанинг энг кучли лигаларидан бири саналган Англия Премьер-лигасида "Олтин бутса"ни қўлга киритиш осон иш эмас. У "Олтин тўп" учун курашда ғалаба қозонади, деган умиддаман",-  деди мисрлик ярим ҳимоячи.

Маълумот учун, 33 ёшли футболчи ўтган мавсум "Ливерпуль" сафида 52 та ўйинда майдонга тушиб, 34 та гол киритган ва 23 та голли узатмани амалга оширган. Бундан ташқари, у АПЛда "Олтин бутса" соҳибига айланди.