«Арсенал» ва «Ливерпуль» россиялик футболчига қизиқиш билдирмоқда
«Арсенал» ва «Ливерпул» 50 миллион фунтлик баҳо қўйилган «Галатасарай» ярим ҳимоячиси Алексей Батраковни сотиб олишга қизиқмоқда.
«Арсенал» ва «Ливерпуль» «Галатасарой» ярим ҳимоячиси Алексей Батраковга бўлган қизиқишини кучайтирди. Бу ҳақда TEAMtalk нашри хабар берди.
Манбага кўра, ҳар икки клуб вакиллари чоршанба куни Туркия жамоасининг Франция шимолида ўтказилган учрашувини стадиондан кузатган. 21 ёшли футболчи мазкур баҳсда гол уриб, «Галатасарой»нинг 4:2 ҳисобидаги ғалабасига ҳисса қўшди.
Батраковнинг шартномасида Англия, Испания, Италия ва Германия клублари учун тахминан 50 миллион фунт стерлинг миқдорида товон пули белгиланган. Бироқ «Галатасарой» россиялик футболчининг ўйинларидан мамнун ва ҳозирча у билан хайрлашишни режалаштирмаяпти.
Истанбул клуби Батраковни Москва «Локомотив»идан 25 миллион еврога сотиб олган. Ярим ҳимоячи янги жамоаси сафида асосий таркибда олтита учрашувда майдонга тушиб, иккита гол ва иккита голли узатма муаллифига айланди.
Шунингдек, футболчига «Манчестер Юнайтед», «Челси» ва «Манчестер Сити» клублари ҳам қизиқиш билдирмоқда.
Изоҳлар (0)