"Арсенал" Влаховичга қизиқиш билдирмоқда

"Арсенал" қишки трансферлар ойнасида битта ҳужумчи билан шартнома имзолашни мақсад қилган. Клуб "Ювентус" вакили Душан Влаховичга жиддий қизиқиш билдирмоқда, дея хабар берди "Sky Sports" нашри.

Манбанинг таъкидлашича, туринликлар ушбу трансфер учун 60 миллион евро сўраши мумкин. Шунингдек, инглизлар тез орада таклиф билан чиқди. 

Влаховични "канонирлар" олдин ҳам ўз таркибига қўшиб олишга ҳаракат қилган. Аммо футболчи "Фиорентина"дан "Ювентус"га йўл олганди. Лондонликлар иккинчи бор ҳужумчини сотиб олишга уриниб кўрмоқчи.

"Ювентус" спорт директори эса бундай турдаги хабарларга ўз реакциясини билдирди: "Влахович сотилмайди. "Арсенал" билан ҳеч қандай музокаралар бўлаётгани йўқ".