"Arsenal" yana bir transfer masalasini ijobiy hal qildi

"Arsenal" bu yozda yana bir transferni rasmiylashtirishga yaqin turibdi. London jamoasiga Ben Uayt qo‘shilishi kutilmoqda.

The Athletic nashri tarqatgan xabarga qaraganda, “kanonirlar” “Brayton” bilan 23 yoshli angliyalik markaziy himoyachining transferi bo‘yicha kelshuvga erishgan. Unga ko‘ra, "Arsenal" Uayt uchun “Brayton”ga 60 million evro to‘laydi.

Endi ushbu transfer to‘liq yakunlanishi uchun Uayt londonliklar safida tibbiy ko‘rikdan muvaffaqiyatli o‘tishi kerak.

Bundan avvalroq "Arsenal" hamshahari "Chelsi" hujumchisi Temmi Abraxamni sotib olishni rejalashtirayotgani haqida ham xabarlar tarqalgan edi.