“Арсенал” янги чиққан вундеркиндни немис клублари билан талашяпти

Бу ҳақда Footmercato журналистлари маълумот чиқарди. Унга кўра, 18 ёшли франциялик футболчини Англия Премьер-лигасида пешқадамлик қилаётган “Арсенал” дарров нишонга олган.

Франция чемпионатида “Марсель” сафида ўйнай бошлаган ярим ҳимоячи Даррил Бакола турли клубларнинг эътиборини ўзига қарата бошлади ва трансфер бозорида унга талаб ортиб бормоқда.

Ноёб иқтидор эгасини қўлга киритиш учун “канонирлар” немис клублари, хусусан, “Штутгарт” ва “Боруссия Дортмунд” билан рақобат олиб боришига тўғри келади.

Баколанинг клуб билан тузган меҳнат шартномаси 2027 йилнинг ёзигача амал қилади. Жорий мавсумда Бакола Франция чемпионатининг еттита учрашувида иштирок этди.

Бундан ташқари, ярим ҳимоячи Европа Чемпионлар лигасининг умумий босқичида Англиянинг “Ньюкасл” жамоасига қарши ўйинда (2:1) майдонга тушиб, голли узатмани амалга оширди.