"Арсенал" ёзда Мхитарянни трансферга қўяди

Лондоннинг "Арсенал" клуби мавсумлар оралиғида ўзининг арманистонлик ярим ҳимоячиси Генрих Мхитарян билан хайрлашмоқчи.

Transfermarketweb нашри тарқатган хабарга кўра “канонирлар” мавсум якунлангач 30 ёшли футболчини трансферга қўйишмоқчи.

Маълумот учун, Мхитарян “Арсенал” шарафини 2018 йилнинг январидан буён ҳимоя қилиб келмоқда. У жорий мавсум АПЛда жами 18та ўйинда майдонга тушди ва ўз ҳисобига 6та гол ҳамда 4та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.