“Arsenal”ni kim kuchaytira oladi?

“Arsenal” ayni paytda o‘yinni boshqaradigan pleymeykerga muhtoj. Avval bu vazifani bajargan Mesut O‘zil bosh murabbiy Mikel Arteta bilan kelisholmay qolgani bois, tarkibdagi joyidan ajralgan va endi klubni ham tark etishi kutilmoqda.

Londonliklar qishda “Zaltsburg” yarim himoyachisi Dominik Soboslaini olib kelishni maqsad qilgan. Vengriyalik futbolchi jamoasi Chempionlar ligasidagi ishtirokini yakunlagach, bir qarorga kelishini bildirgan.

Agar, Soboslaining transferi amalga oshmay qolsa, “to‘puchilar” anchadan beri nishonda turgan “Lion” pleymeykeri Ussem Auarni olishga qaratadi. Biroq, frantsiyalik yarim himoyachini qishki transferlar davrida qo‘lga kiritish oson bo‘lmaydi.