"Арсенал"нинг ижарадаги футболчиси ортга қайтди

Мавсумни «Сент-Этьен» клуби сафида ижарада ўтказган ҳимоячи Вильям Салиба яна «Арсенал»га қайтди.

Клуб расмий сайтининг хабар беришича, “канонирлар” 19 ёшли футболчи Франция кубоги финалида иштирок этиши учун “Сент-Этьен” билан ижара шартномасини узайтириш масаласида музокаралар ўтказган, аммо, бу музокаралар муваффақиятсиз якунланган.

Эслатиб ўтамиз, “Сент-Этьен” ва ПСЖ клублари ўртасидаги Франция кубоги баҳси 24 июль куни «Стад де Франс» стадионида бўлиб ўтади.

Салиба муддатидан аввал якунланган Франция чемпионатида 12 та ўйинда иштирок этди.