"Арсенал"нинг собиқ юлдузи Хаверцнинг трансфери ҳақида: Тушунмадим...

“Арсенал”нинг франциялик собиқ футболчиси Уильям Галлас германиялик ярим ҳимоячи Кай Ҳаверцнинг "канонирлар" сафида муваффақият қозонишига шубҳа қилмоқда.

Эслатиб ўтамиз, Хаверц шу ёзда 75 миллион евро эвазига “Челси”дан “Арсенал”га кўчиб ўтган эди.

“Кай Ҳаверц ҳозирги “Арсенал”да ўз имкониятларини очиб бера олади деб ўйламайман. Мен уни "Арсенал" учун шу ёзда амалга ошириш зарур бўлган трансфер деб ҳисобламайман. Ҳатто "Челси"да ҳам унга барқарорлик етишмади.

Назаримда, у “Челси”даги фаолияти давомида етарлича яхши ўйин ўтказа олмади. "Арсенал" уни ўз сафига қўшиб олганини тўғриси тушунмадим. Бу мени ҳайрон қолдирди”, - деди “Арсенал”нинг собиқ ҳимоячиси Gambling Zone нашрига берган интервьюсида.