“Artel” компанияси ишчилари "Пахтакор" иштирокидаги ўйинларга мажбурий олиб келинмайди!

"Paxtakor" - "Artel" мухлислар клуби тузилди. Унга “Artel” компаниясининг барча ходимлари аъзо бўлиши мумкин. Бу ҳақда клуб матбуот хизмати хабар тарқатмоқда.

Таъкидлаш керакки, мазкур мухлислар клуби “Нефтчи”га қарши кечган учрашувга ташриф буюришди.

"Ўйинларга корхона ишчилари мажбурий олиб келинмайди. Шунчаки, улар ўртасида тарғибот ишлари ва турли кўнгилочар тадбирлар ташкил қилинади.

Кеча ўйинга келган мухлислар ўртасида турли қимматбаҳо совғалар лоторея тарзида ўйналди", - дейилади клуб хабарида.