Артета: "Агар "Арсенал"ни қабул қилмасам, Гвардиола мени тепишини айтди"

"Арсенал" бошқарувчиси Микель Артета "Манчестер Сити" бош мураббийи Хосеп Гвардиоланинг фаолиятидаги ўрни ҳақида гапирди.

“Пеп фаолиятимнинг бошиданоқ менга қайғурган. У мени “Манчестер Сити”га ишлашга олиб борди, чунки у менда у учун жонкуяр инсонни кўрди. "Арсенал"дан таклиф бўлгач, ҳайрон қолдим. Чунки ҳали тайёр эмасман деб ўйладим. Аммо Гвардиола агар рози бўлмасам, менинг кетимга тепишини айтди”, деди "канонирлар" устози.

Эслатиб ўтамиз, ўтган мавсумда Артета бошчилигидаги "Арсенал" Англия премьер-лигасининг вице-чемпионига айланишди.