"Манчестер Сити" Ҳусановга муҳим хабар юборди

Англия Премьер-лигасининг энг қудратли клубларидан ҳисобланган "Манчестер Сити" 2026 йилги жаҳон чемпионатида ҳал қилувчи ўйин арафасида Ўзбекистон терма жамоаси ҳимоячиси Абдуқодир Ҳусановни қўллаб-қувватлади.

АПЛ грандининг расмий инстаграм саҳифасида ўзбекистонлик 22 ёшли легионер бош қаҳрамон сифатида тасвирланган ўзига хос ўйинолди афишасини эълон қилинди. 

Постерда Ҳусанов "Манчестер Сити"нинг осмонранг спорт формасида, орқа фонда эса Ўзбекистон давлат байроғи акс этган.

"Навбатдаги ўйин: Атланта шаҳрида Конго Демократик Республикаси — Ўзбекистон",  деб ёзилган клуб матбуот хизмати эълонида.

"К" гуруҳи доирасидаги Конго — Ўзбекистон учрашуви 28 июнь куни "Атланта Стэдиум" аренасида бўлиб ўтади. Учрашув Тошкент вақти билан 4:30 да бошланади.

Эслатиб ўтамиз, Ўзбекистон терма жамоаси жаҳон чемпионатининг финал босқичи гуруҳ босқичида дастдабки икки турда Колумбия (1:3) ва Португалияга (0:5) мағлуб бўлди. 

Ўзбекистон терма жамоасининг 1/16 финалга чиқиш учун ягона имконияти — учинчи ўринни қўлга киритиш. Бунга эришиш учун ҳал қилувчи баҳсда Конго устидан йирик ҳисобда ғалаба қозониш талаб этилади.

Супергол урган Шомуродов ўйиндан кейин ўткир гапирди

Ҳусанов ҳақида катта хушхабар!

Мундиалдаги футболчимиз хориж клублари билан музокара бошлади