Артета "Арсенал" бош мураббийи бўлгач нималар деди?

Испаниялик мутахассис Микель Артета “Арсенал” бош мураббийлигига тайинлангач ўзининг бу борадаги илк фикрларини билдириб ўтди.

“Бу катта фахр. “Арсенал” – дунёнинг энг яхши клубларидан бири. Стэн ва Жош Кронкелар билан бўлган суҳбатдан сўнг тушуниб етдимки, биз асосий совринлар учун курашишимиз керак.

Биз жамоада катта ишлар қилиниши кераклигини биламиз, ишонаманки биз буларнинг барчасини уддалай оламиз. Мен ҳақиқатгўйман ва буларнинг бари тезда амалга ошмаслигини ҳам биламан. Аммо, таркибда бир қатор иқтидорли футболчилар бор, қолаверса жамоа академиясидан ҳам истеъдодли футболчилар етишиб чиқмоқда”, - дейди испаниялик мутахассис.