Артета: "Биз ПСЖдан яхшироқ ўйнадик"

Чоршанба оқшомида ПСЖ ўз уйида Чемпионлар Лигаси ярим финали жавоб учрашуви доирасида "Арсенал"ни меҳмон қилди. Учрашув 2:1 ҳисобида парижликлар фойдасига ҳал бўлди. Икки ўйин натижасига кўра умумий ҳисоб 3:1 кўринишига келди ва Луис Энрике қўл остидаги жамоа финал босқичига йўл олди. Учрашувдан сўнг "Арсенал" устози Микель Артета ўз фикрлари билан ўртоқлашди.

"Аввало, ПСЖни финал босқичига чиқгани билан табриклайман. Учрашувга бироз вазминлик билан баҳо бераман. Рақиб заҳирасидан шуни билиш мумкин эдики, биз улардан анча кучлироқ эдик. Ўйлашимча биз финалга жуда яқин эдик. 

Иккала ўйинни кўриб чиқсангиз энг яхши ўйинчи бу уларнинг дарвозабони эди. Мен футболчиларимдан жуда фахрланаман. Улар кўрсатган ўйин, учрашувнинг бошланиши, босимни бартараф этишини ҳисобга оладиган бўлсак, 20-дақиқадаёқ ҳисобни 3-0 кўринишига олиб келишимиз мумкин эди"- дея изоҳ берди испаниялик бош мураббий.

Маълумот ўрнида, ПСЖ ва "Интер" ўртасидаги финал баҳси 1 июнь куни Мюнхен шаҳрида бўлиб ўтиши режалаштирилган.