Артета чемпионлик пойгаси ҳақида: Ҳали йўл узоқ, биз фақат кейинги баҳс ҳақида ўйлаяпмиз

"Арсенал" бош мураббийи Микель Артета кечаги "Фулхэм"га қарши баҳсдан сўнг, чемпионлик пойгаси ҳақидаги саволга жавоб берди. 

"Ғалаба қозониш - доим ёқимли. Аммо тан оламан, биз катта қийинчилик билан мақсадимизга етишдик. 

Биз хато қилдик ва дарҳол жазолашди. Аммо кейин муаммоларга жиддий эътибор қаратганимиз ва ишонч билан мақсад сари юрганимиз қувонарли ҳол бўлди. Якунда кўрганингиздек, 3 очкога эга чиқдик.

Чемпионлик ҳақида гапиришга ҳали эрта. Олдинда узоқ йўл кутиб турибди. Биз фақат келгуси баҳс ҳақида ўйлаяпмиз, холос", - деди испаниялик мутахассис.