Артета: "Менимча, келаси мавсумда ЕЧЛга қайтамиз"

"Арсенал" бош мураббийи Микель Артета "Вулверхэмптон"га қарши ўйиндан сўнг ўз фикрларини билдириб ўтди. Айтишича, жамоа жуда муҳим ғалабани қўлга киритган. 

"1:0 ҳисобида ютқаза туриб, якунда ғалаба қозониб кетиш ажойиб натижа. Айниқса, рақибингиз "Вулверхэмптон" бўлса, бу ғалаба янада аҳамиятли. 

"Бўрилар"га қарши ўйнаш жуда қийин. Улар яхши ҳимояланади, қарши ҳужумларда ўта самарали ҳаракат қилади. Шунга қарамай, биз 3 очко қўлга киритишга муваффақ бўлдик. 

"Арсенал" мавсум якунига қадар барқарор ўйин кўрсатишга ҳаракат қилади. Умид қиламанки, келаси мавсум мухлисларимиз бизнинг яна ЕЧЛга қайтганимизга гувоҳ бўлади", - деди испаниялик мутахассис.