Артета техник зонадан чиққани учун сариқ карточка олганига муносабат билдирди
Микел Артета техник зонани тарк этгани учун олган сариқ карточкаси адолатсиз эканини статистик мисоллар билан танқид қилди.
«Арсенал» бош мураббийи Микель Артета АПЛ доирасида «Эвертон»га қарши ўйинда (2:0) техник зонадан чиққани учун сариқ карточка олгани ҳақида гапирди.
«Бундан кейин эҳтиёткорроқ бўлишим керак.
Бу масалани диққат билан кузатиб бориш лозим. Статистикага қарасак, айрим мураббийлар 10 дақиқа ичида техник зонадан 36 марта чиқишга улгуради, аммо бирорта ҳам сариқ карточка олмайди.
Мен бундай ҳолатларнинг барчасини йиғиб бораман, қўлимда жуда катта маълумотлар архиви тўпланган. Шунинг учун кимдир мен ҳали рекордчи эмаслигимни, рекорд бошқа мураббийга тегишли эканини айтса, унда ўша мураббийга 10 дақиқа ичида 36 та сариқ карточка бериш керак бўлади. Кўрамиз, бунинг охири нима билан тугар экан», — деди Артета ўйиндан кейинги матбуот анжуманида.
Изоҳлар (0)