Артур Бетербиев америкалик бокс юлдузи билан жанг қилмоқчи

Бокс бўйича собиқ мутлақ жаҳон чемпиони Артур Бетербиев ва 79,4 кг вазнда WBC чемпиони Девид Бенавидес ўзаро жангга оғзаки розилик беришди. Бу ҳақда "Source of Boxing" нашри хабар бермоқда.

"Мен Бенавидес билан жанг қилмоқчиман", - деди Бетербиев.

"Мен ҳам сен билан рингга чиқишга розиман, дўстим," - деб ёзди Бенавидес россияликнинг ижтимоий тармоқлардаги изоҳларида.

Маълумот учун, Бетербиев профессионал сифатидаги дебютини 2013 йилда ўтказиб, 2024 йилда мутлақ чемпионига айланганди. Февраль ойида бўлиб ўтган сўнгги жангида Артур фаолиятидаги илк мағлубиятини Дмитрий Биволдан қабул қилиб олди. Бенавидес эса 2013 йил проф рингда дебют қилиб, иккинчи ўрта вазн тоифасида (76,2 кг) икки марта жаҳон чемпиони бўлганди.