Ашраф Ҳакимининг отаси кўпчилик билмайдиган сирни ошкор қилди

"Реал"нинг собиқ ҳимоячиси Ашраф Ҳакимининг отаси ўғли ёшлигида "Атлетико" билан шартнома имзолаш имкониятига эга бўлганини айтди.

“Ашраф бир пайтлар “Атлетико” футболчисига айланиши мумкин эди. У бир кўришдаёқ мураббийларни ҳайратда қолдира олди. Биз ҳатто шартнома ҳам олдик, лекин уни имзолашдан бош тортдик. Чунки бир ҳафтадан сўнг биз “Реал” кўригидан ўтишимиз керак эди”, - дея эслаб ўтди марокашлик футболчининг отаси.

Таъкидлаш керакки, Ҳакими ҳеч қачон "Реал"да ўз ўрнига эга бўла олмади ва 2020 йилнинг ёзида клубни тарк этди. Айни дамда у ПСЖ шарафини ҳимоя қилмоқда.

Эслатиб ўтамиз, бугун Марокаш терма жамоаси ЖЧ-2022 ярим финалида Францияга қарши майдонга тушади. Учрашув Тошкент вақти билан соат 00:00 да бошланади.