Ашурматов Ўзбекистоннинг гуруҳдаги рақиблари ҳақида гапирди

АҚШ, Канада ва Мексика давлатлари мезбонлик қиладиган 2026 йилги Жаҳон чемпионатининг гуруҳ босқичига қуръа ташланди. Унга кўра, Ўзбекистон "K" гуруҳида Португалия, Колумбия ва Конго / Ямайка / Янги Каледония жамоалари билан баҳс олиб боради. "Оқ бўрилар"нинг ҳимоячиси Рустам Ашурматов мазкур гуруҳ ҳақида ўз фикрларини билдирди.

"Қуръа ҳақидаги таассуротлар жуда яхши. Ростини айтсам, мезбон жамоа тушишини хоҳлаган эдим. Лекин бу содир бўлмади. Бироқ ўзим хоҳлагандан ҳам кучли жамоалар билан бир гуруҳдан жой олдик. Қуръадан олдин Португалия билан насиб этса, финалда ўйнаймиз, деб айтган эдим. Мана, бир гуруҳда баҳс олиб борамиз", — деди футболчи.

Маълумот учун, мусобақа 2026 йилнинг 11 июнидан старт олади.