"Астон Вилла" "Арсенал" ярим ҳимоячисини ўз сафига қўшиб олмоқчи

Қишки трансфер ойнасида "Астон Вилла" таркибни кучайтиришга, битта ярим ҳимоячи сотиб олишга ҳаракат қилади. Бирмингемликлар радарига "Арсенал" аъзоси Эмил Смит-Роу тушган, дея хабар бермоқда "Football Transfers" нашри. 

Маълум бўлишича,  "Астон Вилла" ярим ҳимоячиси Дуглас Луисга "Арсенал" қизиқиш билдирмоқда. Аммо бразилиялик футболчини клуби қўйиб юбормоқчи эмас. Ушбу трансферга Смит-Роу қўшилиши мумкин.

Эслатиб ўтамиз, англиялик хавбек ушбу мавсум кам ўйин амалиётига эга бўлаётганидан норози бўлмоқда. У жамоа таркибида 8 та ўйинда майдонга туширилди. Шунингдек, 1 та голда иштирок этган.