"Aston Villa" "Chelsi" hujumchisini ijaraga olmoqchi

Londonning "Chelsi" klubi hujumchisi Mishi Batshuayi qishki transferlar davrida jamoasini o‘zgartirishi mumkin.

Sky Sports nashri tarqatgan xabarga ko‘ra 26 yoshli belgiyalik futbolchiga "Aston Villa" jiddiy qiziqib qolgan. Gap shundaki,  birmingemliklar rahbariyati jamoaning asosiy hujumchisi Uesli jiddiy jarohat olgani bois uning o‘rniga mavsum yakunigacha birorta mahoratli futbolchini ijaraga olishmoqchi.

Ma’lumot uchun, Batshuayi joriy mavsum “Chelsi” safida 18 ta o‘yinda maydonga tushdi va 5 ta gol hamda 2 ta golli uzatmaga mualliflik qildi. Uning transfer narxi esa 22 mln evroga baholanmoqda.