"Аталанта" бир киши кам бўлиб қолган "Кальяри"ни мағлуб этиб, "Интер" билан оралиқ масофани биттагача қисқартирди

Италия чемпионати 30-тури доирасида "Аталанта" "Кальяри"га сафар уюштириб, Луис Мурьелнинг пенальтидан киритган голи эвазига ғалаба қозонди.

Учрашувда Гасперини шогирдлари 27-дақиқадан бошлаб, сон жиҳатидан устунлик қилишди.

Баҳсни бошқариб борган рефери Федерико Ла Пенна кальяриликлар ҳимоячиси Андреа Карбонига 5-дақиқада биринчи, 27-дақиқада иккинчи сариқ карточкани кўрсатиб, уни майдондан четлатди.

Ушбу ғалабадан сўнг, "Аталанта" 30 турда 63 очко тўплаб ўзидан юқори ўринда кетаётган "Интер" билан оралиқ масофани биттагача қисқартирди.