"Атлетик" бош мураббийи: Бензема - Ла Лигадаги энг зўр ҳужумчи

"Атлетик" Бильбао бош мураббийи Марселино Гарсия Тораль Испания кубоги чорак финал учрашуви олдидан "Реал" ҳужумчиси Карим Бензема ҳақида гапирди.

“У бизнинг лигадаги энг яхши футболчи. Агар ўйиннинг қизиқарлилиги ҳақида гапирадиган бўлсак, унинг майдонда бўлишини истардим. Аммо у ўйнамаса, бизда имконият кўпроқ”, - деди Марселино.

Олдинроқ франциялик футболчи "Атлетик" билан ўйнай олиши маълум бўлганди. У Ла Лиганинг “Эльче”га (2:2) қарши ўйинида олган жароҳатидан тўлиқ фориғ бўлади.

Эслатиб ўтамиз, "Атлетик" - "Реал" учрашуви эртага Тошкент вақт билан соат 01:30 да бошланади.