"Атлетико" - "Бавария": Матнли трансляция

Яна бироздан сўнг УЕФА Чемпионлар лигаси гуруҳ босқич 5-туридан ўрин олган “Атлетико” ҳамда “Бавария” жамоалари иштирокидаги ўйин бошланади. Учрашувни ушбу саҳифа орқали матнли трансляцияда кузатиб боришингиз мумкин. Ўйиннинг хавфли вазиятларини ўтказиб юбормаслик учун саҳифани янгилаб туриш тавсия этилади. 

• 90+4'
  

  Ҳакам ҳуштаги чалинди ва ўйин ўз ниҳоясига етди. "Бавария" сафарда асосий ўйинчиларисиз ҳам, қийналмаган ҳолда 1 очкога эга бўлди. Матнли трансляцияни Абдулла Маннонов олиб борди. Эътиборингиз учун раҳмат.

• 90+2'
  

  Гнабри бурчакдан узатилган тўпни ноаниқ зарбаси эвазига қўлдан чиқарди.

• 90'
  

  Ўйин асосий вақтига 4 дақиқа вақт қўшиб берилди.

• 89'

  Голдан сўнг тинмай ҳужум уюштираётган мезбонлар ҳаракатлардан натижа чиқара олишмаяпти.

• 87'
  

  Диего Симеоне 2 ўзгаришни амалга оширди: Карраско ва Фелишнинг ўрнига Лоди ва Лемар туширилди.

• 87'
  

  Стефан Савич қизишиб кетганлиги боис сариқ карточка ишлаб олди.

• 86'
  

  "Бавария" ўйиндаги 5-ўзгаришни ҳам амалга оширди. Дуглас Коста майдонни тарк этиб, ўрнига Жошуа Зиркзе тушди.

• 86'
  

  ГОООООООООООООООЛЛЛЛЛЛ!!!!! Томас Мюллер пеналтидан аниқ фойдаланиб, ҳисобни тенглаштирди: 1:1!

• 84'
  

  Захирадан майдонга тушган Фелипе Томас Мюллерга нисбатан ўз жарима майдони ичида қўполлик ишлатди ва пеналти белгиланди.

• 83'

  Серж Гнабри ҳужумда фол ишлатди.

• 80'
  

  "Атлетико" сафида ҳам илк ўзгариш амалга оширилди: Корреанинг ўрнига Эктор Эррера майдонга тушди.

• 78'

  Майдонда тенгма-тенг кураш кечмоқда. Яққол устунлик ҳеч кимда эмас.

• 76'
  

  Мюнхенликлар сафида 4 ўзгариш: энг хавфли вазиятни юзага келтирган Жамал Мусиала ўрнига 19 ёшли дебютант Ангело Штиллер майдонга тушди.

• 73'
  

  Гнабри ишлаб олган бурчак тўпини Коста ижро этди. Узатмадан кейинги палапартишликлар эвазига "Атлетико" қарши ҳужумга ўтиб кетди.

• 70'

  Серж Гнабрида  ўта қулай вазият келди, аммо унга бироз тезлик етишмагани боис вазият қўлдан чиқди.

• 68'
  

  Жароҳат олган Хименезнинг ўрнига Фелипе ўйинга қўшилди.

• 66'
  

  "Атлетико" ҳимоячиси Хосе Мария Хименез жароҳат олди. Ҳакам ўйинни тўхтатиб, уни алмаштиришларини сўради.

• 65'
  

  Корреанинг дриблингдан сўнг берган ақлли зарбасини мюнхенликлар посбони Александр Нюбел қайтарди.

• 62'
  

  Мюнхенликлар устози Ҳанси Флик бир йўла 3 ўзгаришни амалга оширди: Аррей-Мби, Мартинез ва Буна Саррнинг ўрнига Гнабри, Мюллер ва Ричардс майдонга тушишди.

• 59'
  

  Шупо-Мотингнинг аниқ, лекин кучсиз зарбасига Облак енгил сейви билан жавоб берди.

• 58'
  

  Маркос Льорентеда офсайд қайд этилди.

• 57'

  "Бавария" ўйинни назорат қиляпти. Темпни ушлаб турган ҳолда бора-бора олдинга интилишмоқда.

• 54'

  Каррасконинг узатмасидан сўнг Корреа деярли бирга-бир вазиятга чиқиб кетди. Бироқ, кутилмаганда йўлидан Зюле пайдо бўлди ва хавф бартараф этилди.

• 51'
  

  Бир юришдаёқ хавфли ҳужум ташкил этган "Бавария" бурчак тўпига эга бўлди. Костанинг узатмасини малридлик ҳимоячилар бартараф этишди.

• 49'

  Мадридликларнинг узоқ вақт уюштирган ҳужуми Фелишнинг кичик хатоси эвазига якунланди. Немислар қарши ҳужумда.

• 46'
  

  Ҳуштак чалинди, иккинчи таймни "Бавария" ўйинчилари бошлаб берди.

• 46'

  Футболчилар майдонга қайтишмоқда. Биз ҳам қайтамиз.

• 45+1'
  

  1 тайм ўз ниҳоясига етди. Ҳозирча Фелишнинг ягона голи эвазига мезбон жамоа олдинда.

• 45'
  

  Учрашув 1-бўлимига 1 дақиқа вақт қўшиб берилди.

• 44'
  

  "Бавария" футболчиси Буна Сарр ҳакамга ишлатган қупол сўзлари эвазига сариқ карточка билан жазоланди.

• 43'

  Маркос Льоренте ўнг қанотда 2 футболчини алдаб ўтиб, Корреага пас берди. Корреанинг кучли зарбаси эса аввалгилариники каби ноаниқ бўлди.

• 38'

  "Бавария" жарима майдони ичидаги палапартишликлардан сўнг Маркос Льоренте кучли зарба беришга муваффақ бўлди, бироқ унга аниқлик етишмади.

• 37'

  Тўп назорати асосан "Атлетико" томонда. Зарбалар 7-2. Мюнхенликлар бироз оқсашмоқда.

• 32'
  

  Каррасконинг яна бир муваффақиятсиз бурчак зарбасига гувоҳи бўлдик.

• 28'

  Дуглас Костанинг қўпол ўйинидан сўнг Клеман Тюрпен жарима зарбасини белгилади. Мезбонлар ижро этган жарима зарбаси тўппа-тўғри Нюбелга бориб тушди.

• 25'
  

  ГОООООООООООООООЛЛЛЛЛЛЛ!!! Льорентенинг жарима майдончаси ичида берган узатмаси Феликснинг зарбасидан сўнг дарвоза тўридан жой олди!

• 23'

  Каррасконинг хавфли зарбаси дарвоза устунининг ёнгинасидан ўтиб кетди.

• 22'
  

  "Атлетико" футболчиси Карраско бурчак зарбасини ижро этди, Хименезнинг бош билан берган зарбасига эса аниқлик етишмади.

• 19'

  Мезбонлар ўнг қанотдан тезкор ҳужум ташкил этишга ҳаракат қилди, Нюбел эса олдинроққа чиқиб, вазиятни бартараф этди.

• 17'
  

  Янник Карраско ўйиндан ташқари ҳолатда қолиб кетди.

• 13'

  "Атлетико" футболчилари узоқ муддат тўпни назорат қилди, кўп пас берилди, бироқ кичик ҳатодан сўнг тўп йўқотилди. Меҳмонлар тўпни аутдан ўйинга киритишади.

• 10'

  Кокенинг узоқ пайт тайёрлаган кучсиз зарбасини мюнхенликлар дарвозабони осонгина бартараф этди.

• 7'

  Анхел Корреа меҳмонлар жарима майдончаси ичида бош билан зарба беришга уриниб кўрди, бироқ Нюбел ундан аввал тўпга эга чиқди.

• 4'

  Бугун Левандовскининг ўрнига майдонга тушган Эрик Шупо-Мотинг жиддий қоида бузилишини амалга оширди, лекин ҳакам илк дақиқаларданоқ сариқ карточка беришни маъқул деб билмади.

• 3'

  Илк дақиқаларданоқ "Атлетико" ҳужумчиси Жоау Фелиш ҳужум уюштирди, бироқ "Бавария" ҳимоячилари уни тўҳтатиб қолишди.

• 1'
  

  Клеман Тюрпен ҳуштагидан сўнг ўйинга старт берилди.

• 0'

  Европа Чемпионлар Линаси мадҳияси фонида футболчилар майдонга тушиб келишмоқда!

• 0'

  Ассалому алайкум, қадрли футбол ишқибозлари! Барчангизни ЕЧЛ доирасидаги марказий - "Атлетико" - "Бавария" баҳси томошасига таклиф этамиз! Матнли трансляцияни Абдулла Маннонов олиб боради.