"Атлетико" - "Челси" учрашуви Шарқий Европада ўтказилиши мумкин

"Атлетико" ва "Челси" ўртасидаги ЕЧЛ 1/8 финал учрашуви Руминия ёки Эстонияда ўтказилиши мумкин.

AS нашри тарқатган хабарга кўра, Испания ҳукумати коронавируснинг янги штамми тарқалгани туфайли, Буюк Британиядан келганларни мамлакатга киритмаслик бўйича қарор чиқарган. Шу сабабли, "Атлетико" катта эҳтимол билан Бухарест шаҳридаги “Миллий стадион”да ўйин ўтказиши кутилмоқда. Бундан ташқари, мадридликларда Эстония пойтахтида жойлашган "Ле Кок Арена" варианти ҳам бор.

Маълумот учун, "Атлетико" - "Челси" баҳси 23 февраль куни бўлиб ўтиши керак.