“Атлетико” Альвареснинг нархини “Барселона”га айтди

“Атлетико” “Барселона” жиддий қизиқиш билдираётган Хулиан Альвареснинг трансфер нархини белгилади.

X ижтимоий тармоғидаги The Touchline нашри берган маълумотларга кўра, Мадрид клуби ҳужумчи учун камида 120 миллион евро талаб қилмоқда. “Барселона” бўлса, бу трансфер учун 70 миллион еврогача таклиф қилмоқчи. Ҳар иккала томон билан алоқаси бўлган воситачилар эҳтимолий трансфер устида жиддий ишламоқда.

Аввалроқ, Хулиан Альварес клуб раҳбариятига ёзда жамоани тарк этиб, “кўк-анорранглилар” сафига бориб қўшилишини ҳақида хабардор қилгани маълум бўлганди.

Ҳужумчи жорий мавсумда 47 та ўйин ўтказиб, 19 та гол ва 9 та ассист қайд этган. Шунингдек у жамоага УЕФА Чемпионлар Лигаси ярим финали ҳамда Испания кубоги финалигача боришига ёрдам берганди.

Абдувалиев Азизбек