"Атлетико" "Бавария" билан рақобатга тайёр

Лондоннинг "Челси" клуби ҳужумчиси Тимо Вернер фаолиятини Испанияда давом эттириши мумкин. Бу ҳақда Transfermarkt портали хабар бермоқда.

Манбага кўра, 25 ёшли германиялик футболчини "Атлетико" ўз сафида кўрмоқчи. "Матрасчилар" Вернер учун курашда "Бавария" ва "Боруссия" Дортмунд билан рақобатлашишга тайёр.

Тимо Вернер жорий мавсум "Челси" сафида 2 та ўйинда майдонга тушди ва ўз ҳисобига 2 та гол ҳамда 1 та голли узатма ёздириб қўйди. Унинг клуб билан амалдаги шартномаси 2025 йилга қадар имзоланган. Унинг айни дамдаги трансфер нархи 65 миллион еврога баҳоланмоқда.