"Атлетико" чемпионлик пойгаси йўлидаги муҳим ўйинда мағлуб бўлди

Испания Ла Лигаси 32-тури доирасидаги "Атлетик" Бильбао - "Атлетико" баҳси бўлиб ўтди. Унда мезбонлар 2:1 ҳисобида ғалабага эришди. 

Биринчи таймда Беренгер ҳисобни очди. 77-дақиқада Стефан Савич мувозанатни тиклади. Голдан руҳланган "матрасчилар" ҳужумга ташланиши оқибатида, 86-дақиқада Иниго Мартинес Бильбао клубига ғалаба тақдим этган гол муаллифи бўлди. 

Мағлубиятдан сўнг, Диего Симеоне шогирдлари 73 очко билан 1-ўринда қолди. "Барселона"да битта ўйин кам бўлган ҳолда, улардан 2 очко ортда бораётганини инобатга олсак, тез орада Примерада пешқадам ўзгариши мумкин.