"Атлетико" Дьёкерешга трансфери бўйича бир қарорга келди

Аввал хабар қилинганидек, "Спортинг" ҳужумчиси Виктор Дьёкереш "Атлетико"нинг асосий трансфер мақсади сифатида кўрилган эди. Бироқ, "Мундо Депортиво" нашрига кўра, мадридликлар ҳозирча уни ўз трансфер режаларига қўшмаган.

Клубда жиддий ўзгаришлар юз бермаган тақдирда, Дьёкерешнинг келиши кутилмаяпти. Мадрид жамоаси ўтган мавсум Хулиан Альварес учун 75+15 миллион евро, Александр Сёрлот учун эса 40 миллион евро сарфлаган. Ҳозирча айнан шу икки футболчи келаси мавсумдаги асосий ҳужумчилар сифатида кўрилмоқда.

Шунингдек, Анхел Корреанинг жамоани тарк этиши ҳали аниқ эмас. Клуб трансфер бюджети билан эҳтиёткорлик билан иш юритмоқда ва маблағларни Алекс Баэна ("Вильярреал") ҳамда Кристиан Ромеро ("Тоттенхэм") каби футболчиларга сарфлашни кўзламоқда.

Натижада, "Спортинг" талаб қилган 70 миллион еврога қарамай, Дёкерешни харид қилиш режадан чиқарилган.