"Атлетико" футболчилари ҳам маошларини камайишига рози бўлди

Мадриднинг "Атлетико" клуби футболчилари ва мураббийлар штаби коронавирус пандемияси вақтида маошларининг камайишига рози бўлди. Бу ҳақда клуб расмий сайти хабар тарқатди.

Энди биринчи ва иккинчи жамоа, аёллар жамоаси футболчи, мураббийлари маошларининг 70 фоизидан айрилишади. Бу орқали иқтисод қилинган пуллар 430 ходимнинг барчасига ойлик-маош тўлашга замин яратади.

Бундан олдин Каталониянинг "Эспаньол" ва "Барселона" жамоалари ҳам худду шундай қарор қабул қилган эди.