«Атлетико» Хулиан Альварес бўйича ўз позициясини оммага маълум қилди

«Атлетико Мадрид» бош директори Мигель Анхель Хиль жорий ёзда жамоа ҳужумчиси Хулиан Альварес клубни тарк этмаслигини маълум қилди. Шу кунларга қадар аргентиналик футболчига Каталониянинг «Барселона» жамоаси жиддий қизиқаяпти, деган хабарлар тарқалган эди.

«Менинг позициям аниқ, клубнинг позицияси ҳам аниқ. Бу ҳақда футболчининг ўзига, унинг вакилларига ва «Барселона» президентига очиқ айтиб қўйдик», — дея Хилнинг сўзларини инсайдер журналист Фабрицио Романо ижтимоий тармоқ X орқали келтиради.

Эслатиб ўтамиз, ўтган ёзда «Атлетико» 26 ёшли аргентиналик форвардни «Манчестер Сити» клубидан 75 миллион евро эвазига сотиб олган эди. 2025/2026 йилги мавсумда Альварес барча мусобақалар доирасида 49 та ўйинда майдонга тушиб, 20 та гол урди ва 9 та голли узатма берди.